Saludo ako sa Cebuanofever...Kahit na..

Andito ako ngayon sa aking "workstation" at syempre wala akong ginagawa kaya naisipan kong magsulat na naman, ipamahagi sa inyo ang aking nararamdaman kasabay ng aking pagkabugnot sa opisina.

May tanong ako sa inyo. Hinde ba't masaya magkaroon ng maraming kaibigan? Pagtungtong mo sa kolehiyo, malamang mas dumami lalo ang kaibigan mo, maraming kang nakilala, iba't ibang pananaw sa buhay, iba't-ibang ugali. Pero syempre, tinanggap mo silang ganun kasi kaibigan mo sila. Nagtapos ka ng kolehiyo, nag-apply sa isang magandang korporasyon o di kaya nagtayo ka ng business, syempre hinde mo maiiwasang magkaroon ng bagong kakilala, bagong kaibigan.

Pero may mas malupet pa'kong tanong sa inyo. Hinde ba't walang papantay sa mga kaibigan mo na kasama mo sa paglaki? O di kaya sila ang mga kaibigan mo noong hayskul pa kayo. Sapagkat kilala nyo ng ang bawat isa, alaskahin ka man o magkatampuhan pa kayo, ok lang kasi natutunan mo na silang mahalin at higit sa lahat, tanggap mo na sila dati pa.

Dito sa aking blog, ikukwento ko sa inyo ang mga taong parte ng aking buhay na hinding-hinde ko makakalimutan hanggang sa pagtanda. Ang aking mga kaibigan mula pa noong hayskul at tinatawag namin ang aming grupo na Cebuanofever

Jeni --> The best magsalita ng English, fashionista. grade2 pa lang, kilala ko na yang si Jeni. Tinatawag ko tong "mama" hinde dahil sa mother-figure sya pero kakaiba sya kung magbigay ng payo. (grade 2 memories? hehe) Kahit bihira na akong kamustahin ngayon, mahal ko pa din to.

Rochelle --> Kikay at head-turner yan, bihira naming makasama sapagkat malayo ang tirihan. Isa sa mga tinukso sakin. (hehe!) kahit hinde kami masyadong naguusap nyan tapos biglang nagkatagpo sa YM, hinde yan nakakalimot mangamusta. Kahit madaming "beshie" yan, mahal ko pa din to.

Chelo --> Fil-Am girl ng tropa, maagang lumipad sa ibang bansa. Isa sa mga taong hinde nakakalimot at updated sa nangyayari dito sa Pinas. Hinde ko na sya masyadong nakakausap pero marunong bumawi. Kahit sya ang unang taong nagsabing "sensitive" ako, mahal ko pa din to.

Rosini --> Bechin ko, soon-to-be-nurse. Shopping partner ko. Si Bing ang pinaka-updated sa aking buhay. Sa sobrang close ko sa taong 'to, wala nakong masabi. At kahit busy sya sa pasyente at sa "order-in-the-court", mahal ko pa din to.

Alex --> Mugen boy, rich kid, tahimik. Si Alex ang isa sa mga hinahangaan ng tropa, at kahit tahimik yan, kakaiba humirit yan. Sya ang host lagi kung may pagtitipon kami. At kahit maselan si Lex at dugong bughaw, mahal ko pa din to.

Ed --> Unang graduate sa tropa, unang nagkatrabaho pero hinde mayabang. Si Ed ang isa sa mga paborito ko sa tropa pag nagkakahiritan, derecho, swak. Isa sa mga taong hinahangaan ko dahil maganda ang pananaw sa buhay. At kahit hinde ako masyadong kinakausap, mahal ko pa din to.

Ray --> Dakilang cebuano, maraming alam, kapwa-Mahogany boy. Si Ray ang taong super kulit kahit mukang tahimik. Hinde pikon at madaling mapatawa. Kung humirit tong si Ray, salbahe man ang dating, hinde nya ito sineseryoso. Kahit hinde ako ang first option para puntahan kahit malapit lang samin, mahal ko pa din to.

Nicolo --> Ang dramatiko ng tropa, master tomador. Madalas inaasar pero cool pa din kahit mejo napipikon paminsan. Si Nic ang hinde masyadong makwento pero once na nagkwento, tuloy-tuloy. The driver of Rochelle. (biro lang pogee!). At kahit bihira kong makasama, mahal ko pa din to.

Roy --> Para sakin, leader ng tropa. Loyal sa kanyang better half. Unang nagmature at malakas pa din mang-alaska. Si Roy ang tipong masarap kasama lalo na sa kulitan. Kapitbahay at dakilang business man. Kahit madalas akong inaasar nang pabalang, mahal ko pa din to.

Alvin --> Idol ko pagdating sa studies. Henyo at magaling magbasketball (healthy boy to). Si Alvin yung tipong marunong magbalanse ng oras sa studies, sa luvlife, sa pamilya at sa mga kaibigan. Ka-tropa within a tropa. A kahit sinasabi nyang mas bestpren nya ako kesa kay Raf(kahit hinde totoo), mahal ko pa din to.

Raf --> Small but terrible ika nga. Para sa akin, si Raf ang pinaka-kaya kong sabihan ng problema kahit sya ang man with few words yet one of the best listeners. Kakaiba magmahal yang si Raf. Kahit wala na masyadong oras sakin para makipagkwentuhan, mahal ko pa din to.

Ferdie --> My better-half pagdating sa kalokohan. Si Perdee ang masarap kakulitan kasi hinde pikon at malupit mang-asar (hinde ka mapipikon). Lover-boy yan ng tropa. Hanga ako dito dahil sa sipag at tiyaga nya mag-aral para lang maging doktor balang araw. At kahit hinde ako masyadong kinakamusta sa ngayon, mahal ko pa din to.

At para as Cebuanofever:

Pasensya na kayo kung hinde ko na kayo masyadong nakakasama. Pasensya din kung para sa inyo "nagdadrama" ako paminsan at madalas tahimik kung kasama nyo. Siguro hinde ko na kailangang magpaliwanag kung bakit. Basta dapat nyong malaman na kahit ano pa ang mangyari, andito ako para sa inyong lahat. Para sakin, walang iwanan! At kahit ganito ang mga nangyayari, kayo parin ang number 1 sakin. Mahal ko kayo.